01 June 2014

“Gobiernu di Hulanda ta enfatisa ku islanan BES mester disidi nan mes futuro”

James Finies
 Presidente 
I kordinado Fundashon Nos Kier Boneiru Bek

Plasterk den reunion di 2de kamer di 15 mei ultimo riba preguntanan di kamerleden ta bolbe enfatisa ku e jamada di e poblashon pa un referendum na St Eustatius I Boneiru riba e struktura estatal ta legitimo I ku e islanan tin e derecho di autodeterminashon I ku nan por tene un referendum ora nan ta desea I tambe ku Hulanda no tin mag di disidi riba nan futuro.

Awor ta bira mas kla ku nos problema no ta sinta solamente na Den Haag Hulanda pero e ta aki den nos konseho insular, kaminda Sr Booi I su grupo I ku koperashon di Sr Santana na un manera dictatorial ta kita e derecho aki for di e pueblo di Boneiru votando pa para e proseso di referendum ku tabata kanando den bon direkshon I tabata dunando senjal ku porfin Boneiru den den proseso di union I rekonsiliashon.

Nos ta bolbe mira ku ta parse tin algu ku no ta logiko o ineksplikabel ta tumando luga den seno di koalishon ku ta bai kontra asta di Hulanda su posishon ku ta nos mes komo pueblo mester disidi den un referendum riba nos futuro I e grupo di koalishon ta sigui disidi ku ta n n lo tin ku disidi I no kier laga pueblo ku ta pueblo su derecho ekspresa su deseo pa medio di un referendum. Esaki ta bolbe kambia e rumbu di union I rekonsialiashon I ta bolbe hiba nos na divishon ku no ta sirbi nos pueblo na e momentunan aki den nos historia.

Un biaha mas nos ta hala atenshon di e grupo di koalishon ku no por sigui riska futuro di Boneiru di e manera aki, pasobra un bes aki ta bini elekshon di eilandsraad na mart 2015 I e ora ey segun estadistika I nos tur por eksperiensa ku nos mes ku Hulandes Europeonan ku a bini Boneiru despues di 2004 bini te awo na un margen 400% kompara ku Bonerianonan ku ta 25% I a bira mask u nos mes, I mas ku lo sigui drenta te ku dia 18 maart 2015 tur lo por vota. I esaki lo por nifika ku despues di elekshon nos futuro lo no por ta den nos mes man nunka mas, pasobra demokratikamente skohe pa nan mes hendenan nan lo por ta den konseho insular I den koalishon huntu ku otronan ku no kier duna e pueblo su derecho di ekspresa su deseo I hamas lo por bini un referendum pasobra nunka nan no tabata ke esey.

Ta bolbe bai un jamada dramatiko na koalishon pa rekonsidera I sostene oposishon ku a keda ku mesun puntu di kier union, I den union ku e meta na bienestar di Boneiru I huntu ku e pueblo ban pone tur e puntunan ku nos kier kambia I drecha , I mas importante trese nos gobernashon I desishonan I tur kos ku nos a perde I tin dercho riba dje bek.Pues ja nos tin sufisiente informashon I eksperiensa I asta raportnan, den un modelo I ban huntu komo Boneiru, tur partido politico I gruponan ku stima I kier Boneiru I su habitantenan bon i ku tin e derecho di autodeterminashon komo eskoho pa status nobo den Reino, ja ku Hulanda a deklara si e pueblo skohe un otro status den Reino nan lo tin ku respete I lo kopera I juda nos ku esaki pasobra ta nan responsabilidat.

Kiko nos ta warda anto ta pa elekshon jega I despues, ku ta otronan lo por ta bai disidi riba nos futuro, i nos a perde e oportunidat uniko aki pa uni komo pueblo Boneriano I logra un futuro ku nos tur ta desea pa Boneiru?